beste snaakse video's in Kwêla se jaarlikse Funnies Video-kompetisie. Besoek gerus onsKwêla en Echo 4x4 se Amateur Video-kompetisie
Die Kwêla/Echo 4x4 Amateur video-kompetisie 2010 skop die 15de September af met die humor afdeling. Dan lê 5 weke se lekker lag voor!
Kliek hier vir meer inligting oor 2010 se video-kompetisie.
Hierdie week op Kwêla
DJ Ossewa groet ‘n geliefde lid
Kwêla bring hulde aan Dwayne Venter, oftewel Raapie Knaapie van die groep DJ Ossewa.
Valiant en Ollie is wild en wakker
Valiant Swart en Ollie Viljoen se nuwe CD is heel gepas getiteld Wild en Wakker. Valiant en sy gesin woon deesdae in Stanford in die Overberg en dis dan ook waar Lise ‘n gesellige dag saam met die twee musikante deurgebring het en met Valiant oor sy 20 jaar in die bedryf gesels het.
Casper de Vries gaan groot
Die komediant Casper de Vries is, soos altyd, bedrywig met allerlei
vermaaklikhede. Buiten dat hy tans te sien is in Casper Rasper weer op kykNET, tree hy vanjaar vir die eerste keer by die Inniebos-fees in Nelspruit op. Sy improvisasiekomedie, CASPERNades, en verhoogproduksie Casper de Vries Gaan Groot is ook op die 2010-spyskaart. Casper kuier in die ateljee om oor al sy doenighede te gesels.
Gareth Cliff kom kuier in die ateljee
Die Idols beoordelaar, Gareth Cliff, kom kuier in die ateljee en vertel Coenie van al die vreemde, interessante en wonderlike dinge wat hulle hierdie seisoen te siene en te hore kry.
Antie Leggie se hart klop rugby
Die 68-jarige Antie Leggie (Selegga) Meyer is die voorsitter van die Villagers-rugbyklub op Worcester en waak reeds die afgelope drie dekades soos moederhen oor dié klub wat in die Boland-premierliga speel. Lise het by Antie Leggie gaan kuier.
Chané sing en dans verskeie medaljes los
Chané du Plooy (10) van Springs het nie minder nie as 13 goue medaljes, 11 silwer medaljes en 1 brons medalje tydens die onlangse Wêreldkampioenskap van die Uitvoerende Kunste in Los Angeles, in die VSA, losgeslaan. Rozanne het dié jong talentvolle dametjie ontmoet.
Kwêla is vanjaar weer deur die ATKV met ‘n Mediaveerjie bekroon as Beste Afrikaanse Joernaalprogram.
Die program het ook in 2007 en 2008 dié toekenning gewen.
Simoné Viljoen het in die kategorie vir Beste insetsel in ‘n Nuus- of Dieptenuusprogram met die louere weggestap vir haar insetsel oor die Aher Arop Bol.
Kwêla se nuuste DVD is op die rak
Lag 'n slag, Funnies 3
2009 was die grootste jaar nog in Kwêla se Amateur Video-kompetisie, met ‘n rekordgetal inskrywings en prysgeld van meer as 'n miljoen rand. 100 snaakse video’s is gekies om sake teen mekaar uit te spook en hulle kan nou almal gesien word op Kwêla Funnies 3. Soos dikwels het kinders en diere weer koning gekraai.
Die video’s is in ses afdelings ingedeel, naamlik:
Troeteldiere (die snaakse huisdiere);
Eiewys (kinders se nukke, grille en sê-goed);
Onvoorspelbaar (diere wat mense wys wie’s baas);
Mistrap (mense en kinders wat neerslaan);
Blapse (grootmense wat nie wil leer nie); en
Ongetem (wilde diere se eiesoortige maniere).
Posbus 1174
tel: 011 - 789 6780
faks: 011 - 789 6647